Our vision
To instil Christian values in every young minds and equip them to be a global citizens; spreading the light of peace and love.
To nurture and encourage the the weaker sections of society and uplift them to the mainstream of the society.
To bring out the best in each and every child.
To inspire, motivate, challenge every student to learn.
.
പുനലൂർ രൂപതയുടെ 'ശുഭദർശൻ 2K26' - നാലാം ക്ലാസ് വിദ്യാർത്ഥികളുടെ സംഗമം 2026 നവംബർ 14-ന് രാവിലെ 9.00 മുതൽ വൈകുന്നേരം 4.00 വരെ പുനലൂർ ബിഷപ്പ്സ് ഹൗസിൽ വെച്ച് നടന്നു. കൊല്ലം, പത്തനംതിട്ട, ആലപ്പുഴ ജില്ലകളിലായി വ്യാപിച്ചുകിടക്കുന്ന വിവിധ ഇടവകകളിൽ നിന്നുള്ള നാലാം ക്ലാസ് വിദ്യാർത്ഥികളും അവരുടെ മാതാപിതാക്കളും അധ്യാപകരും ഈ സംഗമത്തിൽ പങ്കെടുത്തു. പുനലൂർ രൂപതാധ്യക്ഷൻ അഭിവന്ദ്യ ഡോ. സെൽവിസ്റ്റർ പൊന്നുമുത്തൻ പിതാവ് പരിപാടി ഉദ്ഘാടനം ചെയ്തു. വികാരി ജനറാൾ മോൺ. ജോൺസൺ ജോസഫ്, മിനിസ്ട്രീസ് കോർഡിനേറ്റർ മോൺ. ഫ്രാൻസിസ് പി., രൂപതാ ചാൻസലർ വെരി റവ. ഡോ. സാജൻ തങ്കച്ചൻ, BEC എക്സിക്യൂട്ടീവ് സെക്രട്ടറിവെരി റവ ഡോ. അജിത് കുമാർ കെ സി , ശ്രീമതി ശൈലജ ബാബു മിഖാ ഡയറക്ടർ,വൊക്കേഷൻ പ്രൊമോട്ടർ റവ. ഫാ. രാജീഷ് എന്നിവർ ഉദ്ഘാടന സമ്മേളനത്തിൽ ആശംസകൾ അർപ്പിച്ചു. സജീവ് ബി. വയലിൽ (പത്തനാപുരം), കുമാരി ഏഞ്ചൽ, രഞ്ജിത എന്നിവർ വിവിധ സെഷനുകൾക്കും പ്രവർത്തനങ്ങൾക്കും നേതൃത്വം നൽകി. കുട്ടികൾക്ക് സജീവമായി ഇടപെടാനും പഠിക്കാനും കഴിയുന്ന തരത്തിലുള്ള പ്രവർത്തനങ്ങൾ ഉൾപ്പെടുത്തിയത് ഈ സംഗമത്തെ അറിവ് പകരുന്നതും ഒപ്പം ആസ്വാദ്യകരവുമാക്കി മാറ്റി. ഉച്ചയ്ക്ക് 2.00-ന് പുനലൂർ, പൊറ്റമ്മൽക്കടവ്, പുത്തൂർക്കര,ആറന്മുള എന്നീ ഇടവകകളിൽ നിന്നുള്ള കുട്ടികൾ അവതരിപ്പിച്ച കലാപരിപാടികൾ ചടങ്ങിന് കൂടുതൽ നിറവും ഉന്മേഷവും പകർന്നു. രൂപതാ പ്രൊക്യുറേറ്റർ വെരി റവ. ഫാ. അജീഷ് ക്ലീറ്റസ് ഭക്ഷണ ക്രമീകരണങ്ങൾ കാര്യക്ഷമമായി ഏകോപിപ്പിച്ചു. റവ സിസ്റ്റർ ബിന്ദു ,വൈദികർ, സന്യാസിനിമാർ, ബി.ഇ.സി. (B.E.C.) അനിമേറ്റർമാർ, മാതാപിതാക്കൾ, വിവിധ ഇടവകകളിൽ നിന്നുള്ള പ്രതിനിധികൾ എന്നിവർ സംഗമത്തിൽ സജീവമായി പങ്കെടുക്കുകയും പിന്തുണ നൽകുകയും ചെയ്തു. 'ശുഭദർശൻ' ഡയറക്ടറും വിദ്യാഭ്യാസ ശുശ്രൂഷാ വിഭാഗം കോർഡിനേറ്ററുമായ റവ. മോൺ.ക്രിസ്റ്റി ജോസഫ് പരിപാടിയുടെ ഏകോപനവും നേതൃത്വവും നിർവഹിച്ചു. സംഗമം അവിസ്മരണീയവും വിജയകരവുമാക്കുന്നതിന് പൂർണ്ണമനസ്സോടെ സഹകരിക്കുകയും പിന്തുണ നൽകുകയും ചെയ്ത പിതാവിനും ക്ലാസുകൾ നയിച്ചവർക്കും സംഘാടകർക്കും ബഹുമാനപ്പെട്ട വൈദികർക്കും ആനിമേറ്റേഴ്സ് സിസ്റ്റേഴ്സിനും മാതാപിതാക്കൾക്കും അധ്യാപകർക്കും പങ്കെടുത്ത എല്ലാവർക്കും അദ്ദേഹം ഹൃദയംഗമമായ നന്ദി അറിയിച്ചു. കുട്ടികൾക്ക് തങ്ങളുടെ കഴിവുകൾ പങ്കുവെക്കാനും സൗഹൃദങ്ങൾ കെട്ടിപ്പടുക്കാനും വിശ്വാസത്തിലും കൂട്ടായ്മയിലും ഒരുമിച്ച് വളരാനുമുള്ള അർത്ഥവത്തായ ഒരവസരമായി ഈ ഒത്തുചേരൽ മാറി.
പുനലൂർ രൂപതയിലെ ശൂരനാട് ഫൊറോനയിലെ വിദ്യാഭ്യാസ ശുശ്രൂഷ സമിതി അംഗങ്ങൾക്ക് പരിശീലനവും കുട്ടികൾക്ക് കരിയർ ഗൈഡൻസ് സെമിനാറും 2026 നവംബർ 08 ഞായറാഴ്ച സെൻറ് ജോസഫ് തീർത്ഥാടന കേന്ദ്രത്തിൽ വച്ച് സംഘടിപ്പിച്ചു. യുവജനങ്ങൾക്കും വിദ്യാർത്ഥികൾക്കും ശരിയായ തൊഴിൽ മാർഗ്ഗനിർദ്ദേശം നൽകുന്നതിനും വിദ്യാഭ്യാസ മിനിസ്ട്രി അംഗങ്ങളുടെ പ്രവർത്തനം കൂടുതൽ കാര്യക്ഷമമാക്കുന്നതിനുമായാണ് സെമിനാർ സംഘടിപ്പിച്ചത്. ശൂരനാട് ഇടവകാംഗങ്ങൾ ആലപിച്ച പ്രാർത്ഥനാഗാനത്തോടെയാണ് പരിപാടികൾ ആരംഭിച്ചത്. ശൂരനാട് ഇടവക വിദ്യാഭ്യാസ മിനിസ്ട്രി കോർഡിനേറ്റർ ശ്രീ. പിയൂസ് തോമസ് യോഗത്തിൽ സ്വാഗതം ആശംസിച്ചു. ഇടവക വികാരി വെരി റവ. ഫാ. സെബാസ്റ്റ്യൻ വാസ് പരിപാടിയുടെ ഔദ്യോഗിക ഉദ്ഘാടനം നിർവ്വഹിച്ചു. ആത്മീയവും അക്കാദമികവുമായ വളർച്ചയിലൂടെ മാത്രമേ മൂല്യാധിഷ്ഠിതമായ ഒരു തലമുറയെ വാർത്തെടുക്കാൻ സാധിക്കൂ എന്ന് അദ്ദേഹം തന്റെ ഉദ്ഘാടന പ്രസംഗത്തിൽ ഓർമ്മിപ്പിച്ചു. തുടർന്ന് നടന്ന പരിശീലന ക്ലാസ്സിൽ 'വിദ്യാഭ്യാസ മിനിസ്ട്രി അംഗങ്ങളുടെ പങ്ക്' എന്ന വിഷയത്തിൽ രൂപത വിദ്യാഭ്യാസ ശുശ്രൂഷ സമിതി കോർഡിനേറ്റർ മോൺ. ഡോ. ക്രിസ്റ്റി ജോസഫ് ക്ലാസ്സ് നയിച്ചു. കുട്ടികളുടെ പഠന-വ്യക്തിത്വ വികസനം ഉറപ്പാക്കുന്നതിൽ മിനിസ്ട്രി അംഗങ്ങളുടെയും കോർഡിനേറ്റർമാരുടെയും ഉത്തരവാദിത്തങ്ങളെക്കുറിച്ച് അദ്ദേഹം വിശദീകരിച്ചു. രണ്ടാം സെഷനിൽ 'കരിയർ ഗൈഡൻസ്' എന്ന വിഷയത്തിൽ റിട്ട. ഇൻഡസ്ട്രിയൽ എക്സ്റ്റൻഷൻ ഓഫീസർ ശ്രീ. ജോൺസൺ ഏലിയാസ് ക്ലാസ്സെടുത്തു. പുതിയ തൊഴിലവസരങ്ങൾ, ഉന്നതവിദ്യാഭ്യാസ വഴികൾ, സംരംഭകത്വം എന്നിവയെക്കുറിച്ച് വിദ്യാർത്ഥികൾക്ക് അദ്ദേഹം പ്രായോഗിക നിർദ്ദേശങ്ങൾ നൽകി.
Retiring Teachers are being honoured by Rt. Rev. Dr. Selvister Ponnumuthan, the Bishop of Punalur
Rev. Fr. Andrews OCD conducts Annual Retreat for the Teachers of Catholic Schools - 2026
പുനലൂർ കോപ്പറേറ്റ് മാനേജ്മെൻറ് കാത്തലിക് സ്കൂൾസ്, ബിഷപ്പ് ഹൗസ് ,പുനലൂർ. അധ്യാപകരായ റവ .സിസ്റ്റേഴ്സിന്റെ മീറ്റിംഗ് നടത്തി. പുനലൂർ കോർപ്പറേറ്റ് മാനേജ്മെന്റിലെ വിവിധ സ്കൂളുകളിൽ പ്രവർത്തിക്കുന്ന അധ്യാപകരായ റവ .സിസ്റ്റേഴ്സിന്റെ മീറ്റിംഗ് 25 .10 .2024 വെള്ളിയാഴ്ച വൈകിട്ട് 3:00 മണിക്ക് പുനലൂർ ബിഷപ്പ് ഹൗസിൽ വച്ച് നടത്തി. പ്രാർത്ഥനയോടുകൂടി ആരംഭിച്ച മീറ്റിങ്ങിൽ പുനലൂർ രൂപത അധ്യക്ഷനും കോർപ്പറേറ്റ് മാനേജ്മെന്റിന്റെ രക്ഷാധികാരിയുമായ അഭിവന്ദ്യ സെൽവിസ്റ്റർ പൊന്നുമുത്തൻപിതാവ് അധ്യക്ഷത വഹിച്ചു. കോർപ്പറേറ്റ് മാനേജർ റവ. ഫാദർ ക്രിസ്റ്റി ജോസഫ് എല്ലാവർക്കും സ്വാഗതം ആശംസിച്ചു. അഭിവന്ദ്യ പിതാവ് സിസ്റ്റേഴ്സുമായി സംവദിക്കുകയും തുടർന്ന് വൈജ്ഞാനിക സഹ വൈജ്ഞാനിക വിഷയങ്ങളെക്കുറിച്ച് സംസാരിച്ചു. 1) രണ്ടാം വത്തിക്കാൻ കൗൺസിലിന്റെ വിദ്യാഭ്യാസത്തെ കുറിച്ചുള്ള പ്രമാണ രേഖ (ഗ്രാവിസിമം എദു കാസിയോണിസ് ,Gravissimum Educationis )ഗൗരവപൂർണ്ണമായ വിദ്യാഭ്യാസത്തിൻറെ പ്രാധാന്യത്തെക്കുറിച്ച് കുറിച്ചും 2) സന്യസ്ത ജീവിതത്തെക്കുറിച്ച് പ്രതിപാദിക്കുന്ന വത്തിക്കാൻ കൗൺസിൽ ഡിഗ്രി (Perfectae Caritatis)സ്നേഹത്തിൻറെ പൂർണതയും 3) ഫ്രാൻസിസ് പാപ്പായുടെ പുതിയ ചാക്രിയ ലേഖനം (DILEXIT NOS, He Loved Us) യേശുവിൻറെ തിരുഹൃദയത്തെ കുറിച്ചുള്ള ചാക്രിയ ലേഖനത്തെക്കുറിച്ചും 4) ദേശീയ വിദ്യാഭ്യാസ നയത്തെക്കുറിച്ചും 5) ആധുനിക കാലഘട്ടത്തിൽ നിർമ്മിത ബുദ്ധിയുടെ പ്രാധാന്യത്തെക്കുറിച്ചും 6) ക്രിസ്തുവിനോടും മനുഷ്യനോടും സന്യസ്തർക്ക് അഭിനിവേശം ഉണ്ടാകണമെന്ന് പിതാവ് ഉദ്ബോധിപ്പിച്ചു. സെന്റ്ഗൊരേറ്റി ഹൈസ്കൂൾ അധ്യാപിക സിസ്റ്റർ ജെസ്സി തോമസ് എല്ലാവർക്കും നന്ദി അറിയിച്ചു. പ്രാർത്ഥനയോടുകൂടി യോഗം സമാപിച്ചു.
കടയ്ക്കൽ : നൂറിലധികം വർഷങ്ങളായി കടയ്ക്കലിന്റെ വിദ്യാഭ്യാസ മേഖലയിൽ നിസ്തുലമായ സംഭാവനകൾ നൽകിയ തൃക്കണ്ണാപുരം സെന്റ് മിൽഡ്രഡ്സ് യു.പി.എസി.ന്റെ അത്യാധുനിക സൗകര്യങ്ങളോടുകൂടിയ പുതിയ കെട്ടിട സമുച്ചയത്തിന്റെ ഉദ്ഘാടനം 2024 ഡിസംബർ 27 വെള്ളി വൈകുന്നേരം അഞ്ചുമണിക്ക് പുനലൂർ രൂപത വികാർ ജനറൽ റവറന്റ് മോൺസിഞ്ഞോർ സെബാസ്റ്റ്യൻ വാസ് നിർവഹിച്ചു. നൂറു വർഷത്തിലധികമായി കടക്കലിന്റെ കലാ,സാംസ്കാരിക, രാഷ്ട്രീയ മേഖലകളിൽ നിരവധി പ്രതിഭകളെ സംഭാവന നൽകിയ തൃക്കണ്ണാപുരം സെന്റ് മിൽഡ്രഡ്സ് യു. പി. എസ്. ലെ വിദ്യാർത്ഥികളുടെയും രക്ഷിതാക്കളുടെയും നാടിന്റെയും വർഷങ്ങളായുള്ള സ്വപ്നമായ പുതിയ കെട്ടിട സമുച്ചയം ഉദ്ഘാടനം ചെയ്ത് നാടിനു സമർപ്പിച്ചപ്പോൾ നാട് അത് ഉത്സവാഘോഷത്തിൽ ഏറ്റെടുത്തു. വിദ്യാർത്ഥികൾ, രക്ഷിതാക്കൾ, പൂർവ്വവിദ്യാർത്ഥികൾ, മുൻ പി റ്റി എ ഭാരവാഹികൾ, മുൻ പ്രഥമധ്യാപകർ, അധ്യാപകർ, പൊതുജനങ്ങൾ അങ്ങനെ നാടുമുഴുവൻ വിദ്യാലയത്തിലേക്ക് ഒഴുകിയെത്തി ഈ ചരിത്ര നിമിഷത്തിന് സാക്ഷ്യം വഹിക്കുവാൻ. പുനലൂർ രൂപത കോർപ്പറേറ്റ് മാനേജർ റവ. ഡോ. ക്രിസ്റ്റി ജോസഫ് അധ്യക്ഷത വഹിച്ച ചടങ്ങിൽ കുമ്മിൾ ഗ്രാമപഞ്ചായത്ത് വൈസ് പ്രസിഡണ്ട് ശ്രീമതി രജിതകുമാരി ചടയമംഗലം ബ്ലോക്ക് പഞ്ചായത്ത് മെമ്പർ ശ്രീ സുധിന്‍ കടയ്ക്കൽ, ആനപ്പാറ വാർഡ് മെമ്പർ ശ്രീമതി വത്സ, തൃക്കണ്ണാപുരം നിത്യസഹായ മാതാ ദേവാലയ സെക്രട്ടറി ശ്രീ സിറിൾ യേശുദാസ്, സെന്റ് ചാൾസ് കോൺവെന്റ് സുപ്പീരിയർ സിസ്റ്റർ ലിസി ജെയിംസ്, നിത്യസഹായ മാതാ ദേവാലയ വിദ്യാഭ്യാസ ശുശ്രൂഷ കോർഡിനേറ്ററും മുൻ പ്രഥമാധ്യാപകനുമായ ശ്രീ ഫ്രാൻസിസ് എസ്, തുടങ്ങി സാമൂഹിക , സാംസ്കാരിക, രാഷ്ട്രീയ രംഗത്തെ പ്രമുഖർ ആശംസകൾ അറിയിച്ച് സംസാരിച്ചു. ഉദ്ഘാടന സമ്മേളനത്തിന് ശേഷം കുട്ടികളുടെ വർണ്ണാഭമായ കലാപരിപാടികൾ, സമ്മാന പദ്ധതി നറുക്കെടുപ്പ് എന്നിവയും നടത്തപ്പെട്ടു. പിടിഎ പ്രസിഡണ്ട് ശ്രീ ലിതിൻ വെന്നിയോട്, എം പി ടി എ പ്രസിഡന്റ് ശ്രീമതി ജാസ്ന, ശ്രീ സുമിത് സാമുവൽ, ശ്രീ സോണി ലോറൻസ്, അധ്യാപകർ, പിടിഎ, എംപി ടി എ അംഗങ്ങൾ എന്നിവർ പരിപാടികൾ
പുനലൂർ സെന്റ് ഗൊരേത്തി ഹയർസെക്കൻഡറി സ്കൂളിലെ 2024-25 അധ്യായന വർഷത്തിലെ പ്ലസ് വൺ കൊമേഴ്സ് വിദ്യാർത്ഥിയായ ആദിത്യൻ.എ ഗുരുതരമായ കരൾ രോഗത്തെ തുടർന്ന് തിരുവനന്തപുരം മെഡിക്കൽ കോളേജിൽ ചികിത്സ നടത്തി വരികയായിരുന്നു. പിന്നീട് ഇത് കാൻസർ ആണെന്ന് സ്ഥിരീകരിക്കുകയും ചെയ്തു. സാമ്പത്തിക ബുദ്ധിമുട്ടുകൾ നേരിടുന്ന കുടുംബം ചികിത്സ സഹായത്തിനു വേണ്ടി സ്കൂളുമായി ബന്ധപ്പെടുകയും അടിയന്തരമായി 17000 രൂപ ധനസഹായം സ്റ്റാഫുകൾ ശേഖരിച്ചു നൽകുകയും ചെയ്തു. കുട്ടിയുടെ രോഗാവസ്ഥ ഗുരുതരമായി തുടരുന്നതിനാൽ തുടർ ചികിത്സക്ക് വേണ്ടി ഒരു ധനശേഖരണം നടത്താനും തീരുമാനിച്ചു. ഹൈസ്കൂൾ വിഭാഗത്തിൽ നിന്ന് പ്രധാമാധ്യാപികയുടെ നേതൃത്വത്തിൽ സ്റ്റാഫുകളുടെ സംഭാവനയായി 20250/ രൂപ ശേഖരിച്ചു. ഹയർസെക്കൻഡറി വിഭാഗത്തിൽനിന്ന് പ്രിൻസിപ്പലിന്റെ നേതൃത്വത്തിൽ അധ്യാപകരും കുട്ടികളും മറ്റ് സ്റ്റാഫ് അംഗങ്ങളും ചേർന്ന് 187750/- രൂപ ശേഖരിക്കുകയും ചെയ്തു. രണ്ടാം ഗഡുവായി ശേഖരിച്ച തുകയിൽ നിന്നും 150000/- രൂപ കോർപ്പറേറ്റ് മാനേജർ റവ. ഫാദർ ക്രിസ്റ്റി ജോസഫ് ആദിത്യന്റെ അമ്മയ്ക്ക് കൈമാറി. 58000 /- രൂപ ആദിത്യന്റെ അക്കൗണ്ടിലേക്ക് 11/11/24നു ട്രാൻസ്ഫർ ചെയ്തു കൊടുത്തു. ആദിത്യന്റെ ചികിത്സാർത്ഥം ഇതുവരെ 2,25,000 രൂപ കൈമാറിയിട്ടുണ്ട്. Staff collection - 32500 HSS collectiin - 20250 Students collection - 114260 Staff secretary - 10000 Ranger Rover unit - 4000 Others - 42800 .................................................................... Total - 223810 Rounded to - 225000 .................. വിശ്വസ്തതയോടെ ശ്രീമതി മൃദുല പ്രിൻസിപ്പാൾ
.....................
64-ാമത് പുനലൂർ സബ് ജില്ലാ കലോൽസവത്തിൽ പുനലൂർ സെൻറ് ഗോരേറ്റി ഹയർ സെക്കൻഡറി സ്കൂൾ ചരിത്രനേട്ടം കൈവരിച്ചു. ---------------------------------------------- HS വിഭാഗത്തിൽ 247 പോയിന്റുകളോടെ ഓവറോൾ കിരീടം, HSS വിഭാഗത്തിൽ 263 പോയിന്റുകൾ നേടി ഓവറോൾ കിരീടം, UP സംസ്കൃതം വിഭാഗത്തിൽ ഓവറോൾ കിരീടം, 578 പോയിന്റുകളോടെ ജനറൽ ഓവറോൾ കിരീടം എന്നിങ്ങനെ മേളയുടെ എല്ലാ വിഭാഗങ്ങളിലും ആദ്യദിനം മുതൽ എതിരാളികളെ ബഹുദൂരം പിന്നിലാക്കിക്കൊണ്ട് സെന്റ് ഗൊരേറ്റിയുടെ സമഗ്ര ആധിപത്യമായിന്നു കാണുവാൻ കഴിഞ്ഞത്. സംഘാടന മികവുകൊണ്ട് ജനശ്രദ്ധയാകർഷിച്ച മേളയിൽ മിന്നുന്ന പ്രകടനമാണ് സെന്റ് ഗൊരേറ്റിയുടെ കൊച്ചു കലാകാരന്മാരും കലാകാരികളും കാഴ്ചവച്ചത്. മാസങ്ങളോളം നീണ്ടുനിന്ന ചിട്ടയായ പരിശീലനവും അധ്വാനവുമാണ് ഈ വിജയത്തിലേക്കു നയിച്ചതെന്ന് കോർപ്പറേറ്റ് മാനേജർ റവ.ഫാ. ക്രിസ്റ്റി ജോസഫ് പറഞ്ഞു. വിജയത്തിനു പിന്നിൽ പ്രവർത്തിച്ച കുഞ്ഞുമക്കളെയും അധ്യാപകരെയും രക്ഷകർത്താക്കളെയും പി.ടി.എ പ്രതിനിധികളേയും സ്കൂൾ മാനേജ്മെന്റിന്റെ പേരിലുള്ള എല്ലാവിധ ആശംസകളും ഇത്തരുണത്തിൽ അറിയിക്കുന്നതായി പ്രിൻസിപ്പൽ മൃദുല. റ്റി, HM പുഷ്പമ്മ.റ്റി എന്നിവർ പറഞ്ഞു.
പുനലൂർ സബ്ജില്ലാതല കലോത്സവത്തിൽ തുടർച്ചയായ ഓവറാൾ ചാമ്പ്യൻഷിപ്പ് കിരീടങ്ങളുമായി ഉജ്ജ്വല നേട്ടം കരസ്ഥമാക്കിയ കലാപ്രതിഭകൾക്ക് അനുമോദനം ഒരുക്കി പുനലൂർ സെന്റ് ഗൊരേറ്റി എച്ച്. എസ്. എസ്.*
കൗമാര കലാ പ്രകടനങ്ങളുടെ വസന്തം തീർത്ത പുനലൂർ സബ്ജില്ലാതല സ്കൂൾ കലോത്സവത്തിൽ തുടർച്ചയായ നാലാം തവണ ഹൈസ്കൂൾ വിഭാഗം ജനറൽ ഓവറോൾ ചാമ്പ്യൻഷിപ്പ്, തുടർച്ചയായ അഞ്ചാം തവണ ഹൈസ്കൂൾ വിഭാഗം അറബിക് ഓവറോൾ ചാമ്പ്യൻഷിപ്പ്, തുടർച്ചയായ രണ്ടാം തവണ യുപി വിഭാഗം സംസ്കൃതം - ഓവറാൾ ചാമ്പ്യൻഷിപ്പ് ഫസ്റ്റ് റണ്ണറപ്പ് കിരീടം എന്നിങ്ങനെ ഒരുപിടി സുവർണ്ണ നേട്ടങ്ങൾ വിദ്യാലയത്തിന് സമ്മാനിച്ച കലാപ്രതിഭകൾക്ക് അനുമോദനമൊരുക്കി പുനലൂർ സെന്റ് ഗൊരേറ്റി.
LP, UP, HS, HSS വിഭാഗങ്ങളിലായി അയ്യായിരത്തിലധികം കലാപ്രതിഭകൾ തങ്ങളുടെ സർഗ്ഗപ്രകടനങ്ങൾ മാറ്റുരച്ച സബ്ജില്ലാതല കലാമേളയിൽ അഭിമാനകരമായ നിരവധി മികച്ച വിജയങ്ങളിലൂടെയാണ് സെന്റ് ഗൊരേറ്റിയുടെ കലാപ്രതിഭകൾ ഇത്തവണയും തുടർച്ചയായ കിരീടനേട്ടങ്ങൾ എന്ന ബഹുമതി സ്വന്തം പേരിൽ എഴുതിച്ചേർത്തത്.
കഴിഞ്ഞ നിരവധി വർഷങ്ങളായി ഉപജില്ല ജില്ലാ സംസ്ഥാന തലങ്ങളിൽ മികച്ച വിജയങ്ങൾ കരസ്ഥമാക്കുന്ന നിരവധി കലാ പ്രതിഭകളെ പുനലൂരിന്റെ കലാ-സംസ്കാരിക മേഖലക
പുനലൂർ രൂപതയിലെ നാലാം ക്ലാസ്സിൽ പഠിക്കുന്ന കുട്ടികളുടെ സംഗമം നടത്തി*. പുനലൂർ രൂപതയിലെ നാലാം ക്ലാസ്സിൽ പഠിക്കുന്ന കുട്ടികളുടെ സംഗമം പുനലൂർ ബിഷപ്പ് ഹൗസിൽ വെച്ച് ബിഷപ്പ് സെൽവിസ്റ്റർ പൊന്നുമുത്തൻ പിതാവിന്റെ സാന്നിധ്യത്തിൽ നടന്നു. രൂപതയിലെ കൊല്ലം, ആലപ്പുഴ, പത്തനംതിട്ട ജില്ലകളിൽ വ്യാപിച്ചുകിടക്കുന്ന വിവധ ഇടവകകളിൽ നിന്നും 200-ൽ പരം കുട്ടികളും സന്ന്യസ്തരും അധ്യാപകരും പങ്കെടുത്തു. സംഗമത്തിൽ അഭിവന്ദ്യ സെൽവിസ്റ്റർ പൊന്നുമുത്തൻ പിതാവും മോൺ. സെബാസ്റ്റ്യൻ വാസ്, ഫാ. റോയ് ബി സിംസൺ,ഫാ. ജസ്റ്റിൻ സഖറിയ,ഫാ. ലിബിൻ, ഫാ. ബിബിൻ, ഫാ. രാജു പൗലോസ്,സി. പമീല, ശ്രീ.സജീവ് ബി വയലിൽ എന്നിവർ കുട്ടികളുമായി സംവദിച്ചു. വിവിധ ഇടവകകളിൽ നിന്ന് കുട്ടികൾ അവരുടെ കലാപരിപാടികൾ അവതരിപ്പിച്ചു.രൂപത പി. ആർ. ഓയും, ശുഭദർശൻ ഡയറക്ടറുമായ വെരി. റെവ. ഡോ. ക്രിസ്റ്റി ജോസഫ് സംഗമത്തിന് നേതൃത്വം നൽകി.
*കൊല്ലം ജില്ലാ കായിക മേളയിൽ സെന്റ് ഗൊരേറ്റി ഹയർ സെക്കൻഡറിസ്കൂൾ അഭിമാനർഹമായ നേട്ടം കരസ്ഥമാക്കി*.*കൊല്ലംജില്ല സ്പോർട്സ് മീറ്റിൽ 18സ്വർണം,4 വെള്ളി,3 വെങ്കലം ഉൾപ്പെടെ 105 പോയിന്റോടെ ജില്ലയിലെ ഒവറോൾ ചാമ്പ്യൻഷിപ്പ് ട്രോഫി സെന്റ് ഗൊരേറ്റി ഹയർസെക്കൻഡറി സ്കൂൾ സ്വന്തമാക്കി*. *പങ്കെടുത്ത എല്ലാ സ്പോർസ് തരങ്ങൾക്കും,വ്യക്തികത ചാമ്പ്യന്മാരായ ജോജി അന്ന,അതിര.എസ്. നായർ,ദിവ്യ ജോസ് എന്നിവർക്കും പ്രത്യേക അഭിനന്ദനങ്ങൾ*. *സ്കൂളിലെ കായികാദ്ധ്യാപകർ ജയചന്ദ്രൻ സർ,ബിനടീച്ചർ,ഏബ്രഹാം സർ,മറ്റ് അദ്ധ്യാപകർ ,പ്രിൻസിപ്പൽ മൃദ്ദുല ടീച്ചർ പ്രഥമാധ്യാപിക പുഷ്പമ്മടീച്ചർ,എന്നിവർക്ക്* *പുനലൂർ രൂപതാദ്ധ്യാക്ഷൻ സെൽവിസ്റ്റർ പൊന്നുമുത്തൻ പിതാവിന്റെയും,കോർപ്പറേറ്റ് മാനേജർ റവ.ഡോ.ക്രിസ്റ്റി ജോസഫ് അച്ചന്റെയും,സ്കൂൾ പി.ടി.എ യുടെയും അഭിനന്ദനങ്ങൾ അറിയിക്കുന്നു*..
*ചരിത്രനേട്ടങ്ങളുടെ സുവർണ്ണ കിരീടത്തിലേക്ക് വീണ്ടുമൊരു പൊൻതൂവൽ കൂടി കൂട്ടിച്ചേർത്ത് 2020 മാർച്ച്‌ SSLC പരീക്ഷയിലും പുനലൂർ സെന്റ് ഗൊരേറ്റിയുടെ വിജയാശ്വമേധം.* *2020 മാർച്ച്‌ SSLC പരീക്ഷയിൽ 42 ഫുൾ എ പ്ലസ്സുകളും, 20 ഒൻപത് എ പ്ലസ്സുകളും കരസ്ഥമാക്കി സമ്പൂർണ്ണവിജയം എന്ന സുവർണ്ണ നേട്ടവുമായി കിഴക്കൻ മേഖലയുടെ അഭിമാനമായി പുനലൂർ സെന്റ് ഗൊരേറ്റി. 322 ഓളം കുട്ടികളെ പരീക്ഷയ്ക്കിരുത്തി പുനലൂർ മേഖലയിൽ ഏറ്റവും കൂടുതൽ കുട്ടികളെ പരീക്ഷയ്ക്കിരുത്തി വിസ്മയവിജയം സ്വന്തമാക്കിക്കൊടുത്തു കൊണ്ട്, ചരിത്രം തിരുത്തിക്കുറിച്ച് സെന്റ് ഗൊരേറ്റിയുടെ വിജയഗാഥ തുടരുകയാണ് .*
.
We are profoundly committed to metamorphosing education so that every child will receive an ample experience of great learning. We envision a learner-centric system, in which all children thrive, prosper or advance and even they are enabled to deeply engage themselves in their own communities, nation, above all, in the current global community; being equipped and excited for embracing their bright future. We are deeply devoted to what we uphold as a widely envisaged intent of education: To enable all children to realise their full potential as empowered individuals; constructive members of their communities; productive participants in the economy; and also engaged citizens of India and the world. In addition to this, we also share the widely held belief that the Education is vitally significant for the health and wellbeing of individuals and society, therefore, it remains as a public or social responsibility. In fact, the investments that we make in children are the real investments in our communities, our country, and the world.
OFFICE OF THE CORPORATE MANAGER CATHOLIC SCHOOL
BISHOP HOUSE PUNALUR - 691305
Phone : 0475 2225419 Email : christypunalur@gmail.com
